حڪومت طرفان آپريشن عزم استحڪام بابت سڀني ڌرين کي راضي ڪرڻ لاءِ آل پارٽيز ڪانفرنس گهرائڻ جو فيصلو

وزيراعظم شهبازشريف آپريشن عزمِ استحڪام تي آل پارٽيز ڪانفرنس گهرائڻ جو فيصلو ڪيو آهي. وزيراعظم شهبازشريف ڏيهه واپسيءَ تي آل پارٽيز ڪانفرنس گهرائيندو، جنهن لاءِ ملڪ جي سمورين سياسي پارٽين کي دعوت ڏيندي ويندي. آل پارٽيز ڪانفرنس ۾ وزيراعظم شهبازشريف آپريشن عزمِ استحڪام تي سمورين سياسي پارٽين کي اعتماد وٺندو. وزيراعظم جي ڏيهه واپسيءَ بعد سياسي پارٽين سان صلاح مشورو ڪري آل پارٽيز ڪانفرنس جي تاريخ جو اعلان ڪيو ويندو. ڪجهه ڏينهن اڳ نيشنل ايڪشن پلان جي ايپڪس ڪميٽيءَ جو اجلاس ٿيو، جنهن ۾ دهشتگردي جي خاتمي لاءِ آپريشن عزم استحڪام جي منظوري ڏني وئي هئي.