غوثپور ويجهو شهيد ٿيل ٻن اهلڪارن جي قتل ۾ ملوث جوابدارن جي گرفتاري ۽ ٽن مغوين جي بازيابي لاءِ ڪشمور پوليس پاران آپريشن جاري

غوثپور ويجهو شهيد ٿيل ٻن اهلڪارن جي قتل ۾ ملوث جوابدارن جي گرفتاري ۽ ٽن مغوين جي بازيابي لاءِ ڪشمور پوليس پاران آپريشن جاري آهي. مختلف ٿاڻن جي پوليس پاران  بدنام ڏوھاري امدو ڀيو ۽ ڀيا گينگ خلاف دراني مھر جي ڪچي واري علائقي ۾ ڪاروائي ڪئي وئي. ڏوھارين ۽ پوليس وچ ۾ وقفي وقفي سان فائرنگ جو سلسلو جاري آهي. پوليس پاران ڌاڙيل امداد ڀيو سميت ٽن ڏوھارين کي  زخمي ڪرڻ جي دعويٰ ڪئي وئي آهي. پوليس جو چوڻ آهي ته  ڏوھارين جي ٽن مورچن تي قبضو ڪري سندن ٿاڪن کي باھيون ڏئي ساڙيو ويو آھي. ايس ايس پي بشير بروهي  جو چوڻ آھي ته ٻن پوليس اھلڪارن جي قتل ۽ ٽن ھندو نوجوانن جي اغوا ۾ ملوث جوابدارن جي گرفتاري لاءِ  آپريشن جاري رھندو. پوليس ۽ ڏوھارين وچ ۾ ھلندڙ فائرنگ دوران  گولي لڳڻ سبب عورت  صدوري خاتون مارجي وئي.