نوابشاھ ۾ قائد عوام يونيورسٽيءَ جي شاگردن طرفان في ۾ اضافي خلاف احتجاج

نوابشاھھ ۾ قائد عوام يونيورسٽيءَ جي شاگردن طرفان في ۾ اضافي خلاف احتجاجي مظاھرو ڪيو ويو.

حسنين ملاح، ڪاظم ڪليري، عمير ڀٽو، صابر رند ۽ ٻين جي اڳواڻيءَ ۾ قائد عوام يونيورسٽيءَ جي وائيس چانسلر جي آفيس اڳيان آڏو احتجاجي مظاھرو ڪري نعريبازي ڪئي وئي.

احتجاج ڪندڙن ميڊيا سان ڳالھائيندي چيو تھ ھر طرف ملڪ ۾ وڌندڙ مھانگائي غريب عوام جو جيئڻ جنجال ڪري ڇڏيو آھي تھ ٻي طرف يونيورسٽي ۾ في ۾ اضافو ڪري غريبن کان اعليٰ تعليم جو حق بھ کسيو پيو وڃي.

ھنن چيو تھ ملڪ ۾ وڌندڙ مھانگائي سبب ماڻھو ٻن ويلن جي ماني لاءِ پريشان آھن تھ يونيورسٽي انتظاميا پاران وڌايل في ڪٿان آڻن.

احتجاج ڪندڙن اعليٰ اختيارين کان مطالبو ڪيو تھ في ۾ اضافو واپس وٺي بيچيني ختم ڪئي وڃي.