ڪوسٽ گارڊز جي بلوچستان جي علائقي اوٿل ۾ ڪارروائي، وڏي مقدار ۾ چرس هٿ

اوٿل بلوچستان واري علائقي ۾ ڪوسٽ گارڊ ڪارروائي ڪري وڏي مقدار ۾ اعليٰ معيار جو چرس هٿ ڪري ورتو. ڪوسٽ گارڊز ڳجهي اطلاع تي اوٿل بلوچستان جي گڊاني واري علائقي ۾ آپريشن ڪري هڪ عمارت ۾ لڪايل اعليٰ ڪوالٽي جو 200 ڪلوگرام چرس هٿ ڪيو. ڪوسٽ گارڊز ترجمان موجب ضبط ڪيل منشيات جي عالمي مارڪيٽ ۾ قيمت 3.3 ملين ڊالر آهي، شڪ آهي ته منشيات ملڪ جي اندرين علائقن ۾ سپلاءِ ڪئي پئي وڃي. پاڪستان ڪوسٽ گارڊز جي ڊائريڪٽر جنرل آفيسرن ۽ جوانن جي ڪوششن کي ساراهيندي مستقبل ۾ به اهڙيون ڪارروايون جاري رکڻ جي هدايت ڪئي.