آمريڪا لوئر ڪرم ۾ مسافرن تي حملي جي مذمت ڪئي

آمريڪا لوئر ڪرم ۾ مسافرن تي حملي جي مذمت ڪئي آهي. پاڪستان ۾ آمريڪي سفارتخاني جي ترجمان جوناٿن لالي هڪ بيان ۾ چيو ته لوئر ڪرم حملي ۾ بينگاهه ماڻهو قتل ۽ زخمي ٿيا آهن. هن چيو ته  آمريڪا جون همدرديون ۽ تعزيت پنهنجي حياتيون وڃائيندڙ شهرين جي خاندانن سان آهن. سندس چوڻ هو ته هو زخمين جي جلد صحتيابيءَ لاءِ دعاگو آهن. آمريڪي سفارتخاني جي ترجمان چيو ته  پاڪستاني عوام نقصان ۽ خطري کان آزاد زندگي گذارڻ ۽ پنهنجي روزاني زندگي ۾ محفوظ محسوس ڪرڻ جو حقدار آهي. هن چيو ته آمريڪا پاڪستان جو ثابت قدم ساٿي رهندو ڇو ته پاڪستان پنهنجي سمورن شهرين جي حفاظت ۽ سلامتي کي يقيني بڻائڻ لاءِ ڪم ڪندو آهي. آمريڪي سفارتخاني جي ترجمان چيو ته هو ڏکي وقت ۾  پاڪستان ۽ ڪي پي جي عوام سان ٻڌي سان گڏ بيٺل آهن……………..