افغانستان ۾ دهشتگرد گروپن جي غير قانوني هٿيارن تائين پهچ پاڙيسري ملڪن لاءِ سڌي ريت خطرو آهي : عاصم افتخار

گڏيل قومن ۾ مقرر پاڪستان جي مستقل نمائند عاصم افتخار چيو آهي ته افغانستان ۾ دهشتگرد گروپن جي غير قانوني هٿيارن تائين پهچ پاڙيسري ملڪن لاءِ سڌي ريت خطرو آهي. اقوام متحده جي سلامتي ڪائونسل ۾ پاڪستان جي مستقل نمائندي عاصم افتخار افغانستان ۾ جديد هٿيارن ۽ بارود جي ذخيرن تي سخت ڳڻتي جو اظهار ڪيو. پاڪستاني نمائندي چيو ته دهشتگرد افغانستان مان کلئي عام ڪارروايون ڪري رهيا آهن، تصديق ٿيل اطلاع آهن ته اهي دهشتگردي جي مقصدن لاءِ پاڙيسري ملڪن ۾ اسمگل ڪرڻ جي ڪوشش ڪئي پئي وڃي. هن چيو ته پاڪستان طرفان افغانستان سرحد تان پڪڙيل نهايت خطرناڪ هٿيار پرڏيهي فوج جي افغانستان مان واپسي کانپوءِ ڇڏيو ويو هو. عاصم افتخار سلامتي ڪائونسل کي ٻڌايو ته افغانستان ۾ موجود دهشتگرد گروپ، خاص طور تي پابندي مڙهيل داعش، تحريڪ طالبان پاڪستان، بلوچ لبريشن آرمي ۽ مجيد بريگيڊ اهي جديد هٿيار پاڪستان جي عام شهرين ۽ قانون لاڳو ڪندڙ ادارن خلاف استعمال ڪري رهيا آهن، جنهن سبب هزارين بيگناهه جانيون ضايع ٿي چڪيون آهن. هن عالمي برادري تي زور ڀريو ته دهشتگرد گروپن کي هٿيارن تائين پهچ روڪڻ لاءِ اثرائتا قدم کنيا وڃن ۽ اهو يقيني بڻايو وڃي ته افغان عبوري عملدار پنهنجن عالمي واعدن ۽ ذميوارين تي عمل ڪن.