اليڪشن ڪميشن عام چونڊن لاءِ پولنگ اسڪيم جو اعلان ڪندي  90 هزار کان وڌيڪ پولنگ اسٽيشنون قائم

اليڪشن ڪميشن عام چونڊن لاءِ پولنگ اسڪيم جو اعلان ڪندي  90 هزار کان وڌيڪ پولنگ اسٽيشنون قائم ڪري ڇڏيون آهن. اليڪشن ڪميشن چونڊن لاءِ سڄي ملڪ ۾ پولنگ اسڪيم جي سمري جاري ڪري ڇڏي. اليڪشن ڪميشن طرفان جاري ڪيل سمري ۾ چيو ويو ته عام چونڊن لاءِ ملڪ ۾  90 هزار کان وڌيڪ پولنگ اسٽيشنون قائم ڪيون ويون آهن، مردن لاءِ 25 هزار 320  ۽ عورتن لاءِ 23 هزار 950 پولنگ اسٽيشنون قائم ڪيون وينديون. اليڪشن ڪميشن موجب  پنجاب ۾ 50 هزار 944 ۽ سنڌ ۾ 19 هزار 6 پولنگ اسٽيشون قائم ٿينديون. اليڪشن ڪميشن موجب  ڪي پي ۾ 15 هزار 697 ۽ بلوچستان ۾ 5 هزار  28 پولنگ اسٽيشنون قائم ڪيون وينديون. اليڪشن ڪميشن موجب ملڪ ۾ 2 لک 76 هزار 402 پولنگ بوٿ هوندا، جن ۾ مردن لاءِ هڪ لک 47 هزار 560 ۽ عورتن لاءِ هڪ لک 27 هزار 842 پولنگ بوٿ قائم ڪيا ويندا. اليڪشن ڪميشن موجب پنجاب ۾ هڪ لک 49 هزار 434، سنڌ ۾ 65 هزار 5 پولنگ بوٿ هوندا، ڪي پي ۾ 47 هزار 81 ۽ بلوچستان ۾14 هزار 882 پولنگ بوٿ قائم ٿيندا..