- Advertisement -
ايراني پرڏيهي وزير حسين امير عبدالهيان اسلام آباد پهچي ويو آهي، ايراني پرڏيهي وزير، نگران وزيراعظم انوار الحق ڪاڪڙ ۽ پرڏيهي وزير جليل عباس جيلاني سان ملاقات ڪندو، دوري پاڪ-ايران ڇڪتاڻ، پابندي مڙهيل تنظيمن جي محفوظ ٿاڪن ۽ سرحدي انتطامن سميت اهم معاملن تي خيالن جي ڏي وٺ ڪئي ويندي.
پرڏيهي آفيس طرفان جاري بيان ۾ چيو ويو آهي ته ايراني پرڏيهي وزير حسين امير عبداللهيان اسلام آباد پهچي ويو آهي، هو پنهنجي دوري دوران وزيراعظم ۽ پرڏيهي وزير جليل عباس جيلاني سان به ملاقات ڪندو.
حسين امير عبداللهيان پاڪستان جي دوري دوران پاڪ-ايران ڇڪتاڻ، پابندي مڙهيل تنظيمن جي محفوظ ٿاڪن ۽ بارڊر مينيجمينٽ سميت ٻين اهم معاملن تي خيالن جي ڏي وٺ ڪندو.
پرڏيهي آفيس جي ذريعن موجب حسين امير عبداللهيان پنهنجي دوري دوران پرڏيهي وزارت جي عملدارن ۽ سيڪيورٽي عملدارن سان ملاقاتون ڪندو.
ذريعن موجب دوري دوران ايران ۾ 9 پاڪستاني شهرين جي قتل واري معاملي تي به غور ڪيو ويندو- Advertisement -
