بخشاپور: ڀاڄيون ۽ فروٽ وڪڻندڙ پورهيت اغوا

ڪشمور ڪنڌڪوٽ ضلعي ۾ بدامني تي ضابطو نه اچي سگهيو، هٿياربند هٿيارن جي زور تي بخشاپور واسي پورهيت کي مبينا طور اغوا ڪري ويا. بخشاپور واسي ڀاڄيون ۽ فروٽ کپائيندڙ پورھيت سرور ٿهيم روزاني جي معمول موجب ڪنڌڪوٽ جي سبزي منڊي مان ڀاڄيون ۽ فروٽ وڪرو ڪرڻ لاءِ کڻڻ ويو. سرور ٿهيم سبزي منڊي تان خريداري ڪرڻ بعد هوٽل تي چانھه پيئڻ لاءِ ويو ته مبينا طور اغوا ٿي ويو. مبينا طور اغوا بعد پورھيت وارثن کي فون ڪال ڪري ٻڌايو ته کيس ھٿياربندن اغو ڪيو آهي. پورھيت جي اغوا بعد سندس گھر ڀاتين ۾ ڳڻتي ڇانيل آهي. پورھيت جي وارثن ايس ايس پي ڪشمور ڪنڌڪوٽ ۽ ٻين وس وارن کان مطالبو ڪيو ته پورھيت کي بازياب ڪرائي بيچيني ختم ڪئي وڃي.