رابرٽ ڪينيڊي جونيئر آزاد حيثيت ۾ آمريڪي صدراتي چونڊن تان هٿ کڻي ويو

رابرٽ ڪينيڊي جونيئر آزاد حيثيت ۾ آمريڪي صدراتي چونڊن تان هٿ کڻي ويو آهي. رابرٽ ڪينيڊي جونيئر صدارتي چونڊن تان هٿ کڻڻ بعد ريپبلڪن صدارتي اميدوار ڊونلڊ ٽرمپ جي حمايت جو اعلان ڪري ڇڏيو. رابرٽ ڪينيڊي جونيئر جو چوڻ آهي ته سروي ۾ ظاهر ٿيو آهي ته چونڊن ۾ سندس موجودگي سان ڊونلڊ ٽرمپ کي نقصان ۽ ڪملا هيرس کي فائدو ٿيندو. ڪينيڊي پهريان جوبائيڊن جي مقابلي ۾ ڊيموڪريٽ اميدوار بڻجڻ جو خواهشمند هو، پر پوءِ هن آزاد حيثيت ۾ چونڊ وڙهڻ جو اعلان ڪيو هو. اڳوڻي ڊيموڪريٽ صدر جان ايف ڪينيڊي جي ڀائيٽي طرفان ڊونلڊ ٽرمپ جي حمايت ڊيموڪريٽس کي حيرت ۾ وجهي ڇڏيو آهي.