سنڌ سرڪار پنهنجي منصوبن تي عمل ڪري رهي آهي: سنڌ جو وڏي وزير مراد علي شاهه

سنڌ جي وڏي وزير مراد علي شاهه چيو آهي ته سنڌ سرڪار پنهنجي منصوبن تي عمل ڪري رهي آهي،  سنڌ حڪومت کي اڃا ڪيترائي ڪم ڪرڻا آهن، نوجوانن کي فني تربيت ڏني پئي وڃي،هو ٻارڙن کي تفريح فراهم ڪرڻ لاءِ پارڪ ٺاهي رهيا آهن، حڪومت خانگي ادارن جو به حوصلو وڌائي رهي آهي. ڪراچي ووڪيشنل ٽريننگ سينٽر ۾ تقريب کي خطاب ڪندي مراد علي شاهه چيو ته ڪي وي ٽي سي ڊگهي عرصي کان خصوصي ماڻهن جي خدمت ڪري رهيو آهي، ڪراچي ووڪيشنل ٽريننگ سينٽر ۾ مهارتون فراهم ڪرڻ سان گڏ زندگي شاندار انداز ۾ جيئڻ جي تربيت ڏني ويندي آهي. سندس چوڻ هو ته سينيٽر ۾ شاگرن کي علمي صلاحيتن ۽ پيشواراڻي ماحول جي گهرج موجب تيار ڪيو ويندو آهي، کيس ڪي وي ٽي سي جي محنت تي فخر محسوس ٿي رهيو آهي، سينيٽر ۾ بيڪري ۽ ڪيفي جو افتتاح اڳڀرائي جو ثبوت آهي. سنڌ جي وڏي وزير مراد علي شاهه چيو ته ڪيفي سندس معاشري لاءِ هڪ روشن مثال آهي، اچو گڏجي پنهنجي خصوصي ٻارن لاءِ ڪم ڪريون.