سنڌ ۽ پنجاب جي مختلف علائقن ۾ ڪوهيڙي جو راڄ برقرار

سنڌ ۽ پنجاب جي مختلف علائقن ۾ ڪوهيڙي جو راڄ برقرار آهي، نظر جي حد گھٽجڻ سبب موٽر ويز کي ٽريفڪ لاءِ بند ڪيو ويو. موٽر وي پوليس ترجمان جو چوڻ آهي تجه لاهور اسلام آباد موٽر وي ايم 2 ٺوڪر نياز بيگ کان فاروق آباد تائين هر قسم جي ٽريفڪ لاءِ بند آهي. ان کان علاوه موٽر وي ايم 3 کي فيض پور کان درخانه تائين ٽريفڪ لاءِ بند ڪيو ويو آهي. موٽر وي پوليس ترجمان موجب، ايم 4 4 شام ڪوٽ کان فيصل آباد، ايم 5 تي ملتان کان جلالپور ۽ اقبال آباد کان روهڙي ٽريفڪ جي داخلا بند آهي. موٽر وي پوليس طرفان شهرين کي غيرضروري سفر کان پاسو ڪرڻ ۽ ڊرائيورن کي فوگ لائٽس استعمال ڪرڻ جي هدايت ڪئي وئي آهي.