سينيٽ جي انساني حقن بابت اسٽيڊنگ طرفان ڪميٽيءَ سنڌ، پنجاب ۽ بلوچستان ۾ عورتن توڙي ٻارن جي اغوا جي واقعن تي ڳڻتي جو اظهار

سينيٽ جي انساني حقن بابت اسٽيڊنگ ڪميٽيءَ سنڌ، پنجاب ۽ بلوچستان ۾ عورتن توڙي ٻارن جي اغوا جي واقعن تي ڳڻتي جو اظهار ڪندي  واقعن کي روڪڻ لاءِ  قدم کڻڻ جي سفارش ڪئي آهي. سينيٽ جي انساني حقن بابت اسٽيڊنگ ڪميٽيءَجو  اجلاس چيئرپرنس ثمينه ممتاز زهري جي صدارت هيٺ ٿيو، جنهن ۾ ڪمينٽي ميمبرن سميت انساني حقن واري کاتي جي سيڪريٽري  سميت آءِ جي سنڌ ۽ ٻين عملدارن شرڪت ڪئي. آءِ جي سنڌ غلام نبي ميمڻ ڪميٽيءَ کي گذريل سال ڪراچيءَ ۾ ٻارن جي قتل جي ڪيسن تي بريفنگ ڏيندي ٻڌايو ته ٻارن جي اغوا  ۽ قتل جا 37 ڪيس ٿيا، 2024ع ۾ ڪراچيءَ ۾ 40 ٻار قتل ٿيا، جن مان 22 ڪيسن جو چالان پيش ڪيو وي وآهي، ٻارهن ڪيسن ۾ جاچ ۽ 22 ڪيس  ٻڌڻي هيٺ آهن. انساني حقن واري سيڪريٽري ڪميٽيءَ کي ٻڌايو ته يورپي يونين پريا ڪماريءَ جي اغوا تي خدشن جو اظهار ڪيو آهي ۽ هو ان ڪيس تي  سنڌ پوليس سان مسلسل رابطي ۾ آهن. ڪميٽيءَ جي چيئرپرسن چيو ته اهو پاڪستان لاءِ شرمندگيءَ جو سبب آهي، ڇا رڳو يورپي يونين کي مطمئن ڪرڻ لاءِ پريا ڪماريءَ جي ڪيس تي خرچ ڪيو پيو وڃي؟ هن چيو ته بلوچستان ۾ به ڪيترائي ڪيس سامهون اچي رهيا آهن. ثمينه ممتاز زهري سوال ڪيو ته 2024ع  دوران ڪنهن به جوابدار کي سزا ڇو نه ملي؟ آءِ جي سنڌ ٻڌايو ته پني عاقل سميت سنڌ جي ٻين شهرن ۾ ڏوهن جي خاتمي لاءِ قدم کنيا پيا وڃن. ڪميٽي جي چيئرپرسن چيو ته پنجاب ۾ زيادتي جي ڪيسن ۾ اضافو ٿي رهيو آهي، ڪهڙو سبب آهي جو ٻارن سان ڏوهن ۾ سزا جي شرح تمام گهٽ آهي؟ پوليس سميت سمورن ادارن کي گڏجي ڪم ڪرڻ جي ضرورت آهي. ڪميٽيءَ سنڌ، پنجاب ۽ بلوچستان ۾ عورتن توڙي ٻارن جي اغوا جي واقعن تي ڳڻتي جو اظهار ڪندي  واقعن کي روڪڻ لاءِ  قدم کڻڻ جي سفارش ڪئي.