شڪارپور جي عدالت چرس رکڻ جي ڏوھه ۾ جوابدار کي 14 سال قيد ۽ ڏنڊ جي سزا ٻڌائي ڇڏي.
فرسٽ ايڊيشنل ڊسٽرڪٽ اينڊ سيشن جج غلام قادر تنيو جي عدالت ڏوهه ثابت ٿيڻ تي جوابدار امام بخش چانڊيو کي سزا ٻڌائي.
عدالت پاران جوابدار تي 4 لک رپيا ڏنڊ به وڌو ويو.
عدالت جي اھڙي فيصلي بعد جوابدار کي سينٽرل جيل سکر منتقل ڪيو ويو.
منير ڪالوني واسي امام بخش کي ھڪ مھينو اڳ لکي گيٽ ٿاڻي جي پوليس ھڪ ڪلو 10 گرام چرس سميت گرفتار ڪيو ھو.
اي ايس آءِ صفدر احمد شيخ جي فرياد تي جوابدار خلاف ڪيس داخل ڪيو ويو ھو.
