- Advertisement -
جي يو آءِ سربراهه مولانا فضل الرحمان چيو آهي ته قبائلي علائقن جي ماڻهن سان لکت ۾ واعدو ڪيو ويو پر اٺ سال گذرڻ باوجود 100 ارب رپيا به خرچ ناهن ڪيا ويا.
مولانا فضل الرحمان سان قبائلي جرڳي جي اڳواڻن ملاقات ڪئي، جنهن دوران اڳوڻي فاٽا واري معاملي تي ڳالهيون ڪيون ويون.
جاويد محسود چيو ته 48 هزار خاندانن کي نقصانن جو معاوضو ڏنو ويو، اڃا ٻيا رهن ٿا.
ان موقعي تي مولانا فضل الرحمان چيو ته اتر ڏکڻ وزيرستان جي ماڻهن جي نقصانن جي معاوضي لاءِ قدم کڻڻ گهرجن.
هن چيو ته قبائلي جرڳو ترت گهرايو وڃي، انضمام ٿيو پر اڃا تائين عمل ناهي ٿيو، دهشتگردي ائين ختم نه ٿيندي.
مولانا فضل الرحمان چيو ته اڳوڻي فاٽا ۾ لينڊ رڪارڊ لاءِ به اڃا تائين قدم ناهن کنيا ويا، هو هر گهڙيءَ قبائلي عوام سان گڏ آهي- Advertisement -
