مٽياري ضلعو ن ليگ جو قلعو ٿي ويوآهي : بشير ميمڻ

ن ليگ اميدوار بشير ميمڻ جو چوڻ آهي ته  مٽياري ضلعو ن ليگ جو قلعو ٿي ويوآهي، هڪ قومي اسيمبلي ۽ ٻن صوبائي اسيمبلين تي بيٺل ۽ حمايتي جماعت جا اميدوار عوام جي ووٽ جي طاقت سان ڪامياب ٿيندا. ن ليگ جي  اميدوار بشير ميمڻ پاران  چونڊ سرگرميون تيز ڪيون ويون آهن. يونين ڪائونسل عرضي ھڪڙا ۽ يوسي اڏيرولال اسٽيشن ۾ هڪڙا ۽ ساهوال برادري پاران  ڪارنر گڏجاڻي ڪوٺائي وئي . ن ليگ اڳواڻ  بشير ميمڻ  ڪارنر گڏجاڻين کي خطاب ڪندي چيو ته مٽياري ضلعو پيپلزپارٽي جو قلعو رھيو آھي، پر عوام کي سکڻا  دلاسا مليا آهن جنهن جي ڪري عوام هاڻي  ن ليگ ۽ جي ڊ اي  اميدوارن جي حمايت ڪئي آھي. سندس چوڻ هو ته  انشاءالله ھن ڀيري عوام جي ووٽ جي طاقت سان ن ليگ مٽياري  سميت سڄي ملڪ مان سوڀ ماڻيندي ۽ ايندڙ وزيراعظم نواز شريف  ھوندو. ان موقعي ته ن ليگ اڳوڻ بشير ميمڻ سان گڏ وڏيرو ايوب ھڱورو، سليم سنڌي، جي ايم ھڪڙو، فقير گلبھار  ھڱورو۽ ٻيا اڳواڻ گڏ هئا.