نوابشاهه ۾ وڌندڙ مهانگائي خلاف شٽربند هڙتال

نوابشاهه ۾ وڌندڙ مهانگائي خلاف شٽربند هڙتال ڪئي وئي آهي.

واپارين جي سڏ تي ملڪ ۾ وڌندڙ مهانگائي خلاف شهر ۾ شٽربند هڙتال ڪئي وئي.

هڙتال سبب مک مارڪيٽون موهڻي بازار، لياقت مارڪيٽ، گول چڪرو، بڇيري روڊ، ڪچهري روڊ مڪمل طور بند رهيا.

واپاري اڳواڻن جو چوڻ آهي ته مهانگائي سبب غريب عوام پيڙهجي رهيو آهي.

هنن چيو ته ملڪ ۾ وڌندڙ مهانگائي سبب غريب عوام ٻن ويلن جي ماني لاءِ پريشان آهي، ماڻهو آپگهات ڪرڻ تي مجبور آهن.

واپاري اڳواڻن اعليٰ اختيارين کان مطالبو ڪيو ته مهانگائي تي ضابطو آڻي غريب عوام کي رليف فراهم ڪيو وڃي.