- Advertisement -
نيوزيلينڊ خلاف ٽي ٽوئنٽي سيريز لاءِ سترهن رڪني اسڪواڊ جو اعلان ڪيو ويو آهي.
پنجن ميچن جي سيريز ارڙهن کان 27 اپريل تائين راولپنڊي ۽ لاهور ۾ کيڏي ويندي، جنهن لاءِ نيوزيلينڊ جي ڪرڪيٽ ٽيم چوڏهن اپريل تي پاڪستان پهچندي.
بابر اعظم جي قيادت ۾ اعلانيل ٽيم ۾ ٻن نون رانديگرن عثمان خان ۽ عرفان خان نيازي کي شامل ڪيو ويو آهي.
ان کانسواءِ عماد وسيم ۽ محمد عامر جي انٽرنيشنل ڪرڪيٽ ۾ واپسي ٿيندي، جڏهن ته پنجن رِزَرِو رانديگر به سيريز ۾ شامل ڪيا ويا آهن.
سترهن رڪني اسڪواڊ ۾ بابر اعظم، صائم ايوب، محمد رضوان، عثمان خان، افتخار احمد، اعظم خان، عرفان خان، شاداب خان، عماد وسيم، شاهين شاهه آفريدي، نسيم شاهه، زمان خان، محمد عامر، عباس آفريدي، اسامه مير، فخرزمان ۽ ابرار احمد شامل آهن.
رِزَرِو رانديگرن ۾ حسيب الله، محمد علي، صاحبزادا فرحان، آغا سلمان ۽ سيم جونيئر شامل آهن- Advertisement -
