هندو پئنچائت جي وفد جي آءِ جي سان ملاقات، مغوي بازياب ڪرائڻ جي خاطري

هندو پئنچائت جي وفد غوثپور مان اغوا ٿيل ٽن هندو واپارين واري معاملي تي  آءِ جي سنڌ غلام نبي ميمڻ سان ملاقات ڪئي، آءِ جي پاران وفد کي مغوي بازياب ڪرائڻ جي خاطري ڪرائي وئي. ن ليگ اڳواڻ کيئل داس ڪوهستان، ڪلپنا ديوي، منگلا ديوي چندر لال ۽ ٻين جي اڳواڻي ۾ هندو پئنچائت جي وفد آءِ جي سنڌ سان ملاقات ڪئي. هندو پئنچائت جي وفد آءِ جي سنڌ غلام نبي ميمڻ آڏو غوثپور مان اغوا ٿيل ٽن هندو واپارين جي غوا وارو معاملو اٿاريو. آءِ جي سنڌ غلام نبي ميمڻ پاران هندو پئنجائت جي وفد کي ٽنهي واپارين جي بازيابي جي خاطري ڪرائي وئي. آءِ جي سنڌ پاران مغوين جي بازيابي لاءِ ڊي آءِ جي لاڙڪاڻي ۽ ايس ايس پي ڪشمور کي سخت هدايتون جاري ڪيون ويون.