- Advertisement -
وفاقي ڪابينا، فلسطين ۽ لبنان ۾ اسرائيلي ظلم سبب متاثر ماڻهن جي مدد لاءِ وزيراعظم فنڊ قائم ڪرڻ جي منظوري ڏني آهي.
وزيراعظم شهبازشريف جي صدارت هيٺ وفاقي ڪابينا جو اجلاس ٿيو، جنهن ۾ طئه ٿيل ايجنڊا تي غور ڪيو ويو.
اجلاس دوران وزيراعظم فنڊ قائم ڪرڻ بابت اسٽيٽ بئنڪ جو اڪائونٽ کولڻ لاءِ ضروري هدايتون جاري ڪيون ويون.
ترقي ۽ رٿابندي وارو وفاقي وزير احسن اقبال فلسطين ۽ لبنان لاءِ امدادي ڪاررواين جي نگراني ڪندو.
اجلاس دوران آءِ ٽي واري وزارت طرفان وفاقي وزارتن ۽ ادارن ۾ ايِ آفيس لاڳو ڪرڻ بابت بريفنگ ڏني وئي.
ڪابينا کي ٻڌايو ويو ته حڪومت ايِ گورننس لاڳو ڪرڻ بابت گڏيل قومن جي ايِ گورننس ڊولپمينٽ انڊيڪس ۾ پاڪستان جي پوزيشن ۾ 14 درجا بهتري ٿي آهي.
اجلاس کي ٻڌايو ويو ته وفاقي حڪومت جي سمورين 40 ڊويزنن ۾ اي آفيس لاڳو ڪرڻ جو عمل جاري آهي.
وفاقي ڪابينا ورلڊ ٽريڊ آرگنائيزيشن جي فيصلن جي روشنيءَ ۾ ماهگيري جي شعبي ۾ سبسڊيز جي معاهدي جي منظوري ڏني.
ڪابينا پرڏيهي وزارت جي سفارش تي پرڏيهي وزارت ۽ رونڊا جي پرڏيهي وزارت وچ ۾ ٻطرفي سياسي صلاح مشورن واري مفاهمتي يادداشت جي منظوري ڏني.
وفاقي ڪابينا بلوچساتان هائيڪورٽ جي حڪمن ۽ قانون واري وزارت جي سفارش تي جڊيشل مئجسٽريٽ ون گوادر ۽ جڊيشل مئجسٽريٽ ون حب کي منشيات جا ڪيس ٻڌڻ جو اختيار ڏيڻ جي منظوري ڏني.- Advertisement -
