وفاقي ڪابينا لاءِ مشاورت مڪمل، اڄ قسم کڻڻ جو امڪان

وزيراعظم شهباز شريف وفاقي ڪابينا لاءِ مشاورت مڪمل ڪري ورتي، نئين ڪابينا اڄ قسم کڻندي، ٻيون ڀيرو صدارت جو منصب سنڀاليندڙ آصف علي زرداري نئين ڪابينا کي قسم کڻائيندو. ذريعن جو چوڻ آهي ته وزيراعظم شهباز شريف وفاقي ڪابينا جي جوڙجڪ لاءِ مشاورت مڪمل ڪري ورتي آهي جنهن کانپوءِ نئين ڪابينا جي اڄ قسم کڻڻ جو امڪان آهي، قسم کڻڻ واري تقريب منجهند ٽئين وڳي ٿيندي، آصف زرداري امڪاني ڪابينا کي قسم کڻائيندو. شروعاتي طور تي وفاقي ڪابينا 14 کان 12 وزيرن تي ٻڌل هوندي پهرين مرحلي ۾ ناڻي واري وزارت، پرڏيهي، منصوبابندي ۽ گھرو وزارت جا قلمدان ڏنا ويندا، اسحاق ڊار، عطاءُ الله تارڙ، خواجا آصف، احسن اقبال ۽ محمد اورنگزيب کي ڪابينا ۾ شامل ڪرڻ جو جو امڪان آهي.