ٽنڊوباگو ۾ مفت چانهه نه ڏيڻ تان پوليس اهلڪار مڇرجي هوٽل تي ڀڃ ڊاهه ڪري کير هاري ڇڏيو

ٽنڊوباگو ۾ مفت چانهه نه ڏيڻ تان پوليس اهلڪار مڇرجي هوٽل تي ڀڃ ڊاهه ڪري کير هاري ڇڏيو. باگو واھ پل ڀرسان ھڪ ھوٽل تي مفت چانھه نه ملڻ تي پوليس اھلڪار مڇرجي  هوٽل جا ڪوپ ۽ گلاس ڀڃي کير هاري  هليو ويو. پورهيت خميسو ملاح ٻڌايو ته پوليس اهلڪار مفت چانھه نه ملڻ تان مڇرجي هوٽل جا ٿانو ڪوپ گلاس  ڀڃي  ڇڏيا ۽ ڏهه ڪلو کان وڌيڪ کير به هاري ڇڏيو ۽ کيس تشدد جو نشانو بڻايو. هن ٻڌايو پوليس اهلڪار وٽ ڪهاڙي هئي، جنهن سان هن هوٽل جا ٿانو ڀڳا ۽ چانهه ٺاهيندڙ تي به وار ڪيا، جنهن ڀڄي جان بچائي. پورهيت اعليٰ اختيارين کان مطالبو ڪيو ته ڀڃ ڊاهه ڪندڙ پوليس اهلڪار خلاف ڪارروائي ڪري ٿيل نقصان جو ازالو ڪيو وڃي.