پاڪستان آءِ ايم ايف سان ٽن ورهين لاءِ قرض پروگرام لاءِ باضابطا ڳالهيون شروع ڪري ڇڏيو

پاڪستان عالمي مالياتي فنڊ آءِ ايم ايف سان ٽن ورهين لاءِ نئين قرض پروگرام لاءِ باضابطا ڳالهيون شروع ڪري ڇڏيون آهن. ناڻي واري وزارت طرفان جاري ڪيل ماهوار رپورٽ  ۾ ٻڌايو ويو ته آءِ ايم ايف سان ٽن ورهين لاءِ نئين قرض پرگرام لاءِ باقاعده ڳالهيون شروع ڪري ورتيون آهن. رپورٽ موجب آءِ ايم ايف پروگرام مستحڪم پاليسي لاءِ انتهائي اهم آهي، قرض پروگرام سان ٻاهريون سيڪٽر مضبوط ٿيندو ۽ ملڪ ۾ سيڙپڪاري  ايندي. ناڻي واري وزارت موجب هلندڙ مالي سال مالي خساري ۾ 26 ڏهائي 8 سيڪڙو اضافو ٿيو، مهانگائي 28 ڏهائي 2 سيڪڙو کان گهٽ ٿي 26 سيڪڙو ٿي وئي. رپورٽ ۾ چيو ويو ته هلندڙ مالي سال ناڻي ذخيرن، ايڪسپورٽ، سڌيءَ ريت پرڏيهي سيڙپڪاري، ايف بي آر اوڳاڙين ۽ نان ٽيڪس آمدنيءَ ۾ اضافو ٿيو. ناڻي واري وزارت موجب ڏهن مهينن ۾ ايف بي آر اوڳاڙين ۾ 30 ڏهائي 6 سيڪڙو اضافو ٿيو، هلندڙ مالي سال نان ٽيڪس آمدنيءَ ۾ 94 ڏهائي 8 سيڪڙو اضافو رڪارڊ ڪيو ويو. رپورٽ موجب رپئي جي ملهه ۾ بهتري آئي ۽ مهانگائي ۾ گهٽتائي ٿي، مئي ۾ مهانگائي جي شرح 13 ڏهائي 5 کان 14 ڏهائي 5 ارب جو امڪان آهي. ناڻي واري وزارت جي رپورٽ موجب گذريل مالي سال جي ڀيٽ ۾ ايڪسپورٽ ۾ 10 ڏهائي 6 سيڪڙو اضافو ٿيو ۽ امپورٽ ۾ 5 ڏهائي 3 سيڪڙو گهٽتائي ٿي…………