پاڪستان جي ليجنڊري  اداڪار لطيف ڪپاڊيا جي اڄ 90 هين سالگره ملهائي پئي وڃي.

پاڪستان جي ليجنڊري  اداڪار لطيف ڪپاڊيا جي اڄ 90 هين سالگره ملهائي پئي وڃي. اداڪار لطيف ڪپاڊيا 27 مارچ 1934ع ۾ ڀارت جي شهر ناسڪ ۾ جنم ورتو، پاڪستان جي قيام کانپوءِ هو هجرت ڪري ڪراچي ۾ آباد ٿيو. پنجاهه واري ڏهاڪي ۾ جڏهن ٿيٽر عروج تي هو، تڏهن لطيف ڪپاڊيا ڪيترن ئي ڊرامن ۾ يادگار ڪردار ادا ڪيا ۽  ٿيٽر آرٽسٽ جي حيثيت سان پنهنجي سڃاڻپ ٺاهي. لطيف ڪپاڊيا 1953ع ۾ ٿيٽر مان  اداڪاري جي شروعات ڪئي ۽ ڪيترن ئي اسٽيج ڊرامن ۾ پڻ اداڪاري جا جوهر ڏيکاريا. 1967ع ۾ لطيف ڪپاڊيا جو پي ٽي وي تي پهريون ٽي وي ڊرامو ”شيشي جا ماڻهو“ پيش ڪيو ويو، جنهن کانپوءِ هن بارش، ففٽي ففٽي، برزخ، نادان ناديا ۽ شڪست آرزو ۾ پنهنجي اداڪاري جا جوهر ڏيکاريا. لطيف ڪپاڊيا پڻ هڪ خدا ترس انسان هو جنهن جو مقصد سماج جي غريب ۽ وچولي طبقي تائين سستي ۽ معياري سهولتن جي رسائي فراهم ڪرڻ هو. لطيف ڪپاڊيا جي پٽ احمد ڪپاڊيا پنهنجي والد جي عظيم مشن کي جاري رکندي 2007ع ۾ لطيف ڪپاڊيا ميموريل ويلفيئر ٽرسٽ قائم ڪيو، جيڪو تعليم، صحت، غربت جي خاتمي سميت ڪيترن ئي فلاحي سرگرمين ۾ اڳڀرو آهي. اڄ سندس 90 هين سالگرهه جي موقعي تي عطيه ۽ صدقه لطيف ڪپاڊيا ميموريل ويلفيئر ٽرسٽ کي ڏنا وڃن ته جيئن ڏکايل انسانيت جي ڀلائي جو مشن جاري رکي سگهجي. لطيف ڪپاڊيا کي سندس فني خدمتن جي اعتراف ۾ 23 مارچ 2001ع تي حسن ڪارڪردگي جي ميڊل سان نوازيو ويو هو.