پاڪستان دنيا جي سڀ کان وڏي فري لانسر ڪميونٽيز مان هڪ آهي: وزيراعظم شهبازشريف

وزيراعظم شهبازشريف چيو آهي ته پاڪستان دنيا جي سڀ کان وڏي فري لانسر ڪميونٽيز مان هڪ آهي، ڊي ايٽ ميمبر ملڪن لاءِ نوجوانن کي بااختيار بڻائڻ انتهائي اهميت رکي ٿو، لکين نوجوانن کي آرٽيفيشل انٽيليجنس، ڊيٽا ايناليٽڪس ۽ سائبر سڪيورتي بابت فني تربيت فراهم ڪئي وئي آهي. ڊي ايٽ ملڪن جي يارهين سربراهيءَ اجلاس کي خطاب ڪندي وزيراعظم چيو ته اجلاس جي ميزبانيءَ تي هو مصر جي حڪومت  ۽ قيادت کي هو واڌايون ۽ آذربائيجان کي ڊي ايٽ جي نئين ميمبر طور ڀليڪار ڪن ٿا. هن چيو ته کيس يقين آهي ته آذربائيجان، صدر الهام علييوف جي قيادت ۾ ڊي ايٽ جي مقصدن جي حاصلات ۾ اهم ڪردار ادا ڪندو. وزيراعظم چيو ته نوجوان، ننڍي ۽ وچولي ڪاروبار توڙي معاشي ترقي لاءِ اهم آهن، نوجوان توانائي، نوان خيال ۽ تخليقي صلاحيتن سان به ڀرپور آهن، ايس ايم ايز نوڪريون پيدا ڪن ٿا. شهبازشريف چيو ته ڊي ايٽ ميمبر ملڪن لاءِ نوجوانن کي بااختيار بڻائڻ انتهائي اهميت رکي ٿو،  پاڪستاني حڪومت پنهنجي فليگ شپ يوٿ پروگرام  ذريعي معياري تعليم فراهم ڪرڻ، روزگار  جا موقعا پيدا ڪرڻ ۽ پيداوار وڌائڻ لاءِ پرعزم آهي. هن چيو ته هو آءِ ٽي سي جي شعبي ۾ تربيت تي ڌيان ڏيئ رهيا آهن ته جيئن وڏي پئماني تي نوجوانن کي جديد صلاحيتن سان ليس ڪيو وڃي. وزيراعظم چيو ته  وفاقي ڪابينا ڊي ايٽ ميمبر ملڪن سان ترجيحي واپاري معاهدي سان گڏوگڏ ان جي پروٽوڪول لاڳو ڪرڻ جي منظوري ڏني آهي………….