- Advertisement -
پليجاڻي ۾ اغوا ڄاڻايل ناري اسلام قبول ڪرڻ بعد نوجوان سان شادي ڪري ڇڏي.
اغوا ڄاڻيل ناري ريکا ڀيل عمر ڪوٽ جي مدرسي ۾ اسلام قبول ڪري ورتو، جنهن بعد سندس نالو ڪلثوم رکيو ويو آھي.
ناري ريکا مسلمان ٿيڻ بعد نوجوان شھزاد جسڪاڻي سان نڪاح ڪري ڇڏيو آهي.
ناري جي وارثن پاران پيش ڪيل ڄم جي سرٽيفڪيٽ ۾ سندس عمر 14 سال ڏيکاري وئي آھي ، جڏهن ته مسلمان ٿيڻ کان پوءِ مدرسي طرفان جاري ڪيل سرٽيفڪيٽ ۾ ناري جي عمر 19سال لکي وئي آهي.
ناري جي والدين جو چوڻ آهي ته سندن نياڻي بالغ نه آهي، جڏهن ته مسلمان ٿيڻ بعد ريکا پاران پنهنجي عمر 19 سال ٻڌائي وئي آهي.
واضح رهي ته گذريل ڏينهن وارثن ناري ريکا کي اغوا ڪرڻ جو ڪيس نوجوان شھزاد جسڪاڻي، سندس ڀاءُ دانش جسڪاڻي ۽ ٻن دوستن خلاف داخل ڪرايو هو.- Advertisement -
