پيپلزپارٽيءَ ۽ جي يو آءِ سينيٽ اليڪشن ۾ هڪٻئي جي حمايت جو اعلان ڪيو آهي.
اسلام آباد ۾ جي يو آءِ اڳواڻ عبدالغفور حيدر سان گڏ پريس ڪانفرنس ڪندي نيئر بخاري ۽ يوسف رضا گيلاني چيو ته جي يو آءِ جو پارلياماني وفد پ پ سيڪريٽريٽ ۾ آيو.
هنن چيو ته 14 مارچ تي سينيٽ جي خالي سيٽن تي ننڍي چونڊ ٿي رهي آهي، جنهن لاءِ جي يو آءِ بلوچستان جي خالي ٽن سيٽن تي حمايت گهري.
نيئر بخاري چيو ته پ پ بلوچستان جي ٽن سينيٽ سيٽن تي جي يو آءِ جي حمايت ڪندي ۽ جي يو آءِ اسلام آباد واري سيٽ تي يوسف رضا گيلاني جي حمايت ڪندي.
هنن چيو ته سياست ۾ ڳالهين جا دروازا بند ناهن ٿيندا، کين خوشي آهي ته جي يو آءِ اڳواڻ وٽن آيا.
مولانا عبدالغفور حيدري چيو ته پ پ جي حمايت سان سندن ميمبر بنا مقابلي چونڊجي ويندا، هو وفاق ۾ في الحال حڪومت سازي جو حصو نه بڻجندا.
