وڏي وزير مراد علي شاهه جو چوڻ آهي ته پيپلز انفارميشن ٽيڪنالاجي پروگرام ٽو جي شروعات ڪري ڇڏي آهي، پي آءِ ٽي پي ون جي شاندار ڪاميابي فخر جو سبب آهي، شاگردن عالمي معيار جون آءِ ٽي صلاحيتون حاصل ڪيون.
وڏي وزير مراد علي شاهه ٻن مفاهمتي يادداشتن تي صحي ڪرڻ واري تقريب کي خطاب ڪندي چيو ته پي آءِ ٽي پي ٽو رڳو تربيت نه پر هڪ انقلابي اڳڀرائي آهي، صحافين جي تربيت سندن پروفيشن ۾ وڌيڪ بهتري آڻيندي.
وڏي وزير مراد علي شاهه جو چوڻ هو ته عورتن جي ڀرپور شموليت ۽ ڳوٺن جي نمائندگي هن پروگرام جو اعزاز آهي.
وڏي وزير جو چوڻ هو ته هزارين شاگردن عالمي معيار جون آءِ ٽي مهارتون حاصل ڪيون، 13 هزار 565 شاگردن کي تربيت ڏني وئي.
سندس چوڻ هو ته پي آءِ ٽي پي ٽو جي لاءِ 14 سئو ملين رپيا رکيا ويا آهن، 35 هزار شاگردن کي جديد تربيت ڏني ويندي.
وڏي وزير جو چوڻ هو ته تربيت 12 جديد ٽيڪنالوجيز تي لاڳاپيل اين اي ٽي، مهران يونيورسٽي ۽ سکر آءِ بي اي فراهم ڪندي.
سندس چوڻ هو ته هڪ هزار 750 شاگردن کي گوگل ڪروم ڪتاب ڏنا ويندا، ميٽرڪ کان گريجوئيشن جا شاگرد 28 سالن جي عمر تائين درخواست ڏئي سگهندا.
وڏي وزير مراد علي شاهه جو چوڻ هو ته پي آءِ ٽي پي ٽو رڳو تربيت نه بلڪ هڪ انقلابي اڳڀرائي آهي.
سندس چوڻ هو ته ڊجيٽل صحافت 2 ڏهائي ٻڙي تحت هڪ هزار اسڪالرشپس ڏنيون وينديون، ڊجيٽل ميڊيا لٽريسي ۾ سيڙپڪاري، سچائي ۽ جمهوري سنڌ جي ضمانت آهي……..
