ڪئنيڊا ۾ پاڪستان جي نئين هاءِ ڪمشنر  محمد سليم پنهنجون ذميواريون سنڀالي ورتيون

ڪئنيڊا ۾ پاڪستان جي نئين هاءِ ڪمشنر  محمد سليم پنهنجون ذميواريون سنڀالي ورتيون آهن. ڪئنيڊا ۾  پاڪستان جي نئين هاءِ ڪمشنر محمد سليم  پنهنجا دستاويز گورنر جنرل ۽ ڪمانڊر ان چيف آف ڪئنيڊا ميري جي  مي سائمن کي پنهنجا دستاويز پيش ڪيا. دستاويز پيش ڪرڻ دوران محمد سليم صدر، وزيراعظم ۽ پاڪستاني قوم طرفان ڪئنيڊا جي قيادت ۽ عوام لاءِ پنهنجي نيڪ خواهشن جو اظهار ڪيو. هن چيو ته پاڪستان ۽ ڪئنيڊا وچ ۾ مضبوط سفارتي لاڳاپا قائم آهن. سندس چوڻ هو ته  پاڪستان ۽ ڪئنيڊا وچ ۾ لاڳاپن کي وڌيڪ مضبوط ڪيو ويندو. محمد سليم چيو ته  کيس ڪئنيڊا ۾ پاڪستان جي نمائندگي ڪرڻ تي فخر آهي، ٻنهي ملڪن جي عوام وچ ۾ رابطن کي وڌيڪ مضبوط ڪرڻ جي ڪوشش ڪئي ويندي..