- Advertisement -
سنڌ هائيڪورٽ ڪراچي جي علائقي ڪارساز حادثي ڪيس جي مک جوابدار نتاشا جي منشيات ڪيس ۾ ضمانت بابت درخواست منظور ڪندي کيس 10 لک رپين جا ضمانتي ڪاغذ جمع ڪرائڻ جو حڪم ڏئي ڇڏيو.
سنڌ هائيڪورٽ ۾ ڪراچي جي علائقي ڪارساز حادثي ڪيس جي مک جوابدار نتاشا جي منشيات ڪيس ۾ ضمانت بابت درخواست جي ٻڌڻي ٿي.
ٻڌڻي دوران وڪيل فاروق ايڇ نائڪ موقف اختيار ڪيو ته نتاشا جي هڪ ڪيس ۾ ضمانت جي درخواست منظور ٿي چڪي آهي، هن ڪيس ۾ ڌرين ۾ ٺاهه ٿي ويو آهي.
سرڪاري وڪيل چيو ته جڏهن جوابدار نتاشا گاڏي هلائي رهي هئي ته هوءَ نشي جي حالت ۾ هئي.
وڪيل فاروق ايڇ نائڪ چيو ته ميڊيڪل رپورٽ ۾ به شڪ آهي، ڇو ته رت ۾ ميٿا فيٽا مائن موجود ناهي پر يورين ۾ موجود هئي.
عدالت سرڪاري وڪيل کان پڇاڻو ڪيو ته يورين ۾ ميٿا فيٽا مائن جو ڪيترو مقدار موجود هو، سرڪاري وڪيل چيو ته مقدار بابت ميڊيڪل رپورٽ ۾ مينشن ناهي ڪيو ويو.
وڪيل فاروق ايڇ نائڪ چيو ته جسٽس ڪي ڪي آغا چيو ته اها به وڏي ڳالهه آهي ته هن ڪيس ۾ متاثر طرفان جوابدار نتاشا سان ٺاهه ٿي ويو آهي.
عدالت چيو ته جوابدار نتاشا ٽن ٻارن جي ماءُ آهي ۽ گذريل ڏيڍ مهيني کان جيل ۾ آهي.
عدالت نتاشا جي منشيات ڪيس ۾ ضمانت بابت درخواست منظور ڪندي کيس 10 لک رپين جا ضمانتي ڪاغذ جمع ڪرائڻ جو حڪم ڏئي ڇڏيو.- Advertisement -
