ڪراچي ڪلينٽن ۽ جهانگير ڪوارٽرز جي خالي زمين تي گهڻ ماڙ ۽ عاليشان عمارتون ٺهن ته جيئن شهر جي خوبصورتي ۾ واڌ ٿئي: مقبول باقر

سنڌ جي نگران وڏي وزير جسٽس رٽائرڊ مقبول باقر چيو آهي ته هو چاهين ٿا ته ڪراچي ڪلينٽن ۽ جهانگير ڪوارٽرز جي خالي زمين تي گهڻ ماڙ ۽ عاليشان عمارتون ٺهن ته جيئن شهر جي خوبصورتي ۾ واڌ ٿئي. سنڌ جي نگران وڏي وزير جسٽس رٽائرڊ مقبول باقر ۽ وفاقي سيڪريٽري هائوسنگ جي صدارت هيٺ وڊيو لنڪ ذريعي اجلاس ٿيو. اجلاس ۾ ڪراچي ۾ قائم پراڻن ڪوارٽرز، ڪراچي ڪلينٽن ۽ جهانگير ڪوارٽرز جي خالي زمين تي گهڻ ماڙ ۽ عاليشان عمارتون ٺاهڻ تي غور ويچار ڪيو ويو. اجلاس ۾ ميئر ڪراچي مرتضيٰ وهاب، چيئرمين پي اينڊ ڊي شڪيل مڱڻيجو، سيڪريٽري بلديات منظور شيخ، ڪمشنر ڪراچي سليم راجپوت ۽ ٻين شرڪت ڪئي. ان موقعي تي نگران وڏي وزير چيو ته ڪراچي ڪلينٽن ۽ جهانگير ڪوارٽرز جي خالي زمين تي وفاقي حڪومت جا ملازم رهندا هئا، گادي وارو هنڌ اسلام آباد منتقل ٿيڻ بعد به ماڻهو انهن ئي ڪوارٽرز ۾ رهندا پيا اچن. هن چيو ته هو چاهين ٿا ته ڪراچي ڪلينٽن ۽ جهانگير ڪوارٽرز جي خالي زمين تي گهڻ ماڙ ۽ عاليشان عمارتون ٺهن ته جيئن شهر جي خوبصورتي ۾ واڌ ٿئي. وفاقي سيڪريٽري هائوسنگ چيو ته وفاقي حڪومت به انهن ڪوارٽرز جي جاءِ تي نيون ۽ گهڻ ماڙ عمارتون ٺاهڻ چاهي ٿي، سنڌ ۽ وفاقي حڪومت جو ڪوارٽرز پراجيڪٽس تي گڏجي ڪم ڪرڻ تي اتفاق ٿيو آهي. هن چيو ته جلد ئي ان پراجيڪٽس تي صحيح ڪئي ويندي ….