- Advertisement -
ڪلوئي ويجهو نوجوان ناري کي مائٽن پاران مبينا طور زهر پيئارڻ واري معاملي جي سوشل ميڊيا تي وڊيو وائرل ٿي وئي، جنهن بعد پوليس ناري کي هٿ ڪري ورتو.
ڳوٺ ڪمهالو واسڻ 20 ورهين نوجوان ناري ساجده هالو کي مائٽن پاران مبينا طور زهر پيئارڻ واري معاملي جي وڊيو وائرل ٿيڻ بعد رات دير سان ڪلوئي پوليس ناري کي هٿ ڪري ورتو آهي.
ناري ساجده هالو جو چوڻ هو ته کيس مامي، والد ۽ ڀاءُ پاران زهر ڏئي مارڻ جي ڪوشش ڪئي وئي ۽ سندس پيرسن سان شادي ڪرائڻ چاهين ٿا.
ڪلوئي پوليس جو چوڻ هو ته سوشل ميڊيا تي خبرون هلڻ بعد ناري کي هٿ ڪيو ويو آهي، ناري پوليس کي بيان ڏيڻ لاءِ تيار ناهي، کيس عدالت ۾ پيش ڪري بيان ڏياريو ويندو.- Advertisement -
