اسلامي ملڪن جي تنظيم او آءِ سي غزا ۾ فوري طور جنگبندي جو مطالبو

اسلامي ملڪن جي تنظيم او آءِ سي غزا ۾ فوري طور جنگبندي جو مطالبو ڪري ڇڏيو، ترڪي ۽ انڊونيشيا طرفان اسرائيل کي جنگي ڏوهن جي عالمي عدالت ۾ ڇڪڻ جي تجويز،  غزا ۾ جنگ ڪنهن به صورت ۾ قبول ناهي، فوري طور جنگبندي ٿيڻ گهرجي، غزا جو گهيرو ختم ڪري انساني امداد پهچائڻ جي اجازت ڏني وڃي: سعودي ولي عهد، غزا ۾ ٿيندڙ ظلمن تي دنيا جي خاموشي شرم جوڳي آهي، غزا تي اسرائيلي ظلمن جو تاريخ ۾ مثال نه ٿو ملي: ترڪ صدر،  فلسطين مسلمانن جي فخر جو نشان آهي، غزا جا ماڻهو اسلام جا هيرو آهن، مسلمان ملڪن کي اتحاد جو مظاهرو ڪرڻ گهرجي: ايراني صدر،  فلسطين جو عوام اسرائيل هٿان بدترين نسل ڪشي جو شڪار آهي، اسپتالن، اسڪولن ۽ مسجدن تي بمباري سان دل رت جا ڳوڙها روئي رهي آهي: فلسطيني صدر محمود عباس، ڏينهن ڏٺي اسپتالن تي بمباري جو ڪو تصور نه ٿو ڪري سگهي، غزا ۾ ٿيندڙ قتل عام ڪنهن به صورت ۾ قبول نه ڪنداسين: قطري امير، اسرائيل کي جنگي ڏوهن جي عالمي عدالت ۾ وٺي وڃڻو پوندو، فلسطين جي صورتحال تي آمريڪي صدر سان به ملاقات ڪندس: انڊونيشيا جو صدر