سڄي ملڪ جيان سنڌ ۾ به هندو برادريءَ پاران ڏياري جو ڏڻ جوش ۽ جذبي سان ملهايو پيو وڃي.
ڏياري جي موقعي تي هندو برادريءَ پاران پوڄا پاٺ ڪري ڌرتي جي خوشحالي لاءِ پراٿنائون ڪيون پيون وڃن.
ٺٽي ۾ پوليس اهلڪارن ۾ ڏياري جي ڏڻ تي مٺايون ۽ تحفا ورهايا ويا.
ايس ايس پي ٺٽو علي بخش عرف آفتاب احمد نظاماڻي، ڊي ايس پي لياقت جسڪاڻي، ڊي ايس پي عابد مهر ۽ ٻين هندو برادري سان تعلق رکندڙ پوليس آفيسر ۽ اهلڪارن کي ڏياري جون واڌايون ڏيندي مٺايون ۽ تحفا ڏنا ويا.
ٺري ميرواھه ۾ هندو برادري پاران ڏياري جي موقعي تي ريلي ڪڍي شھر جو گشت ڪيو ويو.
ريلي ۾ شريڪ نوجوانن پاران آتشبازي ڪري جهمريون هڻي مٺايون ورهايون ويون.
ڏياري جي موقعي تي هندو برادري پاران مندرن ۽ گهرن ۾ ڏيئا ٻاري سنڌ سميت ملڪ جي ترقي ۽ خوشحالي لاءِ دعائون گهريون پيون وڃن.
