ن ليگ جي قائد ۽ اڳوڻي وزيراعظم نوازشريف چيو آهي ته کين پنهنجي لاءِ اقتدار نه پر خوشحال پاڪستان گهرجي.
ڪوئيٽا ۾ پارٽي ورڪرز ڪنويشن کي خطاب ڪندي نوازشريف چيو ته بغض، حسد ۽ خراب ٻوليءَ معاشري کي خراب ڪيو، ڳالهيون ڪندڙ گهڻا آيا پر عملي طور ڪجهه به نه ڪيو ويو.
هن چيو ته ن ليگ گوادر، ڪوئيٽا زوب سميت سمورن علائقن لاءِ سوچو، بلوچستان ۾ روڊن جو ڄار وڇايو ۽ ڊيم ٺاهيا.
نوازشريف چيو ته هو چاهن ٿا ته عوام کي سولر پينل ڏئي بجلي جي بلن کان ڇوٽڪارو ڏيارڻ چاهن ٿا.
ن ليگ جي چيف آرگنائيزر مريم نواز خطاب ڪندي چيو ته واعدو آهي ته پنجاب جيان بلوچستان تي به ڌيان ڏنو ويندو، نوجوان نسل ۾ وڏو جنون آهي، ٽن چئن ورهين ۾ بلوچستان جي حالت تبديل ٿي ويندي
