نگران حڪومت اليڪشن کان اڳ صنعتي پاليسي ٺاهڻ لاءِ 19رڪني مشاورتي ڪونسل جوڙي ڇڏيو
نگران وفاقي حڪومت 19 رڪني صنعتي مشاورتي ڪونسل جو چيئرمين صنعت ۽ پيداوار بابت نگران وفاقي وزير اعجاز گوهر کي مقرر ڪرڻ جو نوٽيفڪيشن جاري ڪري ڇڏيو.
نوٽيفڪيشن موجب انڊسٽريل ايڊوائزري ڪونسل ۾ خانگي شعبي جا 12 ميمبر شامل ڪيا ويا آهن جڏهن ايڊوائزري ڪونسل ۾ 6 سرڪاري ميمبر شامل هوندا، انڊسٽريل ايڊوائزري ڪونسل جي رپورٽ جي روشني ۾ پاليسي کي حتمي شڪل ڏني ويندي.
ذريعن جو چوڻ آهي ته حڪومت عام چونڊن کان اڳ پهريان صنعتي پاليسي آڻن جو منصوبو ٺاهيو آهي جنهن لاءِ سمورن شعبن کان تجويزون وٺڻ جو فيصلو ڪيو ويو آهي،
ذريعن موجب مضبوط ملڪي معاشي ترقي لاءِ جاندار صنعتي پاليسي ٺاهي ويندي جنهن جو مقصد صعنتن کي 100 سيڪڙو پيداوري صلاحيت تي هلائڻو آهي
