بلاول ڀٽو زرداري مخالفن کي جمهوريت جا ادب ياد ڏياري رهيو آهي : فيصل ڪريم ڪنڊي

پاڪستان پيپلزپارٽي جي سيڪريٽري اطلاعات فيصل ڪريم ڪنڊيءَ چيو آهي ته بلاول ڀٽو زرداري مخالفن کي جمهوريت جا ادب ياد ڏياري رهيو آهي. پنهنجي هڪ بيان ۾ فيصل ڪريم ڪنڊي جو چوڻ هو ته پيپلزپارٽي جو نوجوان چيئرمين سياست ۾ دشمني جون روايتون ختم ڪرڻ چاهي ٿو. هن چيو ته عوام مهانگائي، بيروزگاري ۽ معاشي بدحالي جي چڪي ۾ پيسجي رهيا آهن، جن ماڻهن وٽ عوام جي مسئلن جو حل نه آهي هو چور دروازي کان اقتدار ۾ اچڻ چاهين ٿا، مولانا قوم کي ٻڌائي ته اسيمبلين کان استعيفى ڪنهن جي ايجنڊا هو. فيصل ڪريم جو وڌيڪ چوڻ هو ته عرفان صديقي کي معلوم هجڻ گهرجي ته هو نه گهر ويهڻ وارا آهن نه ملڪ ڇڏي ڀڄي وڃڻ وارا، پ پ چيئرمين پي ڊي ايم جي بنياد رکي هئي.