پي ٽي آءِ جي انٽرا پارٽي اليڪشن اڄ پشاور ۾ ٿيندي

پي ٽي آءِ جي انٽرا پارٽي اليڪشن اڄ پشاور ۾ ٿيندي، بيريسٽر گوهر علي خان بنا مقابلي تحريڪ انصاف جو چيئرمين چونڊجڻ جو امڪان آهي. ذريعن موجب انٽرا پارٽي اليڪشن مرڪز ۽ صوبائي سطح جي قيادت جي لاءِ منعقد ڪئي ويندي. اليڪشن ۾ ووٽرز آن لائن ايپ جي ذريعي پنهنجي ووٽ حق استعمال ڪندا. ذريعن موجب تحريڪ انصاف جي انٽرا پارٽي اليڪشن ۾ تحريڪ انصاف جي مرڪزي صدر جي سيٽ تي چوڌري پرويز الاهي اميدوار هوندو، مرڪزي سيڪريٽري تي عمر گوهر ايوب به انٽرا پارٽي اليڪشن ۾ اميدوار هوندو. پنجاب جي صدارت جي لاءِ ڊاڪٽر ياسمين راشد انٽرا پارٽي چونڊ ۾ حصو وٺندي، پنجاب جي سيڪريٽري جنرل جي سيٽ تي حماد اظهر ميدان ۾ هوندو، خيبرپختونخواه جي صدارت جي لاءِ علي امين گنڊا پور فيورٽ اميدوار جڏهن ته سيڪريٽري لاءِ علي اصغر اميدوار هوندو. ذريعن موجب سنڌ جي صدارت لاءِ حليم عادل شيخ اميدوار آهي جڏهن ته سيڪريٽري جي سيٽ تي اميدوار وڪيل علي اصغر هوندو.