بئريسٽر گوهر علي خان بنا مقابلي تحريڪ انصاف چيئرمين چونڊجي ويو

بئريسٽر گوهر علي خان بنا مقابلي تحريڪ انصاف چيئرمين چونڊجي ويو، پي ٽي آءِ جي انٽرا پارٽي اليڪشن بعد چيف اليڪشن ڪمشنر نياز الله نيازي چونڊ نتيجن جو اعلان ڪري ڇڏيو، سندس چوڻ آهي ته سمورن صوبن جا عهديدار بنا مقابلي ڪامياب ٿي ويا آهن، اڪبر ايس بابر کي انٽرا پارٽي چونڊن تي اعتراض ڪرڻ جو ڪو به حق ناهي. بئريسٽر گوهر علي خان بنا مقابلي تحريڪ انصاف چيئرمين چونڊجي ويو. تحريڪ انصاف جي چيف اليڪشن ڪمشنر نياز الله نيازي ميڊيا سان ڳالهائيندي چيو ته بئريسٽر گوهر خان بنا مقابلي پي ٽي آءِ جو چيئرمين چونڊجي ويو آهي. سندس چوڻ هو ته عمر ايوب پي ٽي آءِ جو بنا مقابلي مرڪزي جنرل سيڪريٽري، علي امين ڪي پي ۽ ياسمين راشد پنجاب جا صدر چونڊجي ويا. تحريڪ انصاف جي چيف اليڪشن ڪمشنر نياز الله نيازي چيو ته بلوچستان مان منير احمد بلوچ ۽ سندس پينل بنا مقابلي چونڊجي ويو آهي جڏهن ته سنڌ مان حليم عادل شيخ تحريڪ انصاف جو بنا مقابلي صدر چونڊجي ويو. نياز الله نيازي چيو ته سمورن صوبن جا عهديدار بنا مقابلي ڪامياب ٿي ويا آهن، اڪبر ايس بابر کي انٽرا پارٽي چونڊن تي اعتراض ڪرڻ جو ڪو به حق ناهي.