گولاڙچي: تعليم کاتي جي لاپرواهي، درسي ڪتاب ڪٻاڙ جي دڪان تي وڪرو

گولاڙچي ۾ تعليم کاتي جي مبينا نااهلي سبب درسي ڪتاب ڪٻاڙي جي دڪان تي وڪرو ٿيڻ لاءِ پهچي ويا. پرائمري کان ڏهين درجي جا ڪتاب وڪري لاءِ رڪشا ۾ وجهي ڪٻاڙي جي دڪان تي آندا ويا. اطلاع ملڻ تي تعليم کاتي جي عملدارن ڪتاب تحويل ۾ وٺي ٽي او آفيس منتقل ڪري ڇڏيا. ڪٻاڙي ميگھو مل ٻڌايو ته کيس ڪتابن بابت خبر ناهي باقي چنگچي رڪشا ۾ ھڪ ھمراھه آيو ھو جنھن چيو ته رسالا ۽ گتا آھن پر هن خريد نه ڪيا ھئا ايتري ۾ اوھان اچي ويا، رڪشا وارو ڪتاب ڇڏي ڀڄي ويو. ٽي او گولاڙچي نياز ميمڻ چيو ته استادن کي ڪتاب ڏنا آھن ڪتاب ڪٿان آيا آهن ان لاءِ انڪوائري ڪرائي ويندي.