سلامتي ڪائونسل غزه جي پٽي ۾ فلاحي امداد جي فراهمي جو ٺهراءُ منظور ڪري ورتو

سلامتي ڪائونسل غزه جي پٽي ۾ فلاحي امداد جي فراهمي جو ٺهراءُ منظور ڪري ورتو، ٺهراءَ ۾ ڇڪاڻ ختم ڪرڻ لاءِ پائيدار حالتون پيدا ڪرڻ جي ڳالهه ڪئي وئي. سلامتي ڪائونسل جي 13 ميمبر ملڪن ٺهراءَ جي حق ۾ ووٽ ڏنو جڏهن ته روس ۽ امريڪا ووٽ نه ڏنو. پرڏيهي ميڊيا موجب، ٺهراءَ ۾ غزه ۾ فوري جنگ بندي جي ڳالهه ناهي ڪئي وئي، ٺهراءَ ۾ چيو ويو آهي غزه ۾ ضروت موجب فلاحي امداد جي فراهمي کي يقيني بڻايو وڃي. پرڏيهي ميڊيا موجب، امريڪا ٺهراءَ کي مضبوط اڳڀرائي قرار ڏنو. سلامتي ڪائونسل ٺهراءَ جي رد عمل ۾ اسرائيلي جو چوڻ آهي ته فلاحي امداد جو معائنو جاري رکندو. گڏيل قومن جي سيڪريٽري جنرل انتونيو گوتريس جو چوڻ هو ته شپمنٽس جي رستي ۾ رنڊڪ اصل مسئلو اسرائيلي حملا آهن. انتونيو گوتريس موجب، غزه ۾ فوري جنگ بندي ٿيڻ گھرجي.