اسرائيل جي غزا تي 78 هين ڏهاڙي به جارحيت جاري،  وڌيڪ 201 فلسطيني شهيد

خابرو اداري موجب،  اسرائيلي فوج جي بمباري ۾ 24 ڪلاڪن دوران وڌيڪ 201 فلسطيني شهيد  ۽ 368  زخمي ٿي پيا. صحت واري وزارت موجب  يهودي فوج جي حملن ۾ وڌيڪ 201 شهري شهيد ۽ 368 زخمي ٿي پيا آهن. هن وقت تائين شهيد ٿي ويلن جو انگ 20 هزار 258 ٿي ويو، جڏهن ته زخمين جو انگ 53 هزار کان وڌي ويو. شهيدن ۾ 8 هزار کان وڌيڪ ٻار  ۽ 6 هزار کان وڌيڪ عورتون شامل آهن. 78 ڏينهن دوران 310 طبي عملي جا ميمبر ۽ 100 صحافي ۽ سول ڊفينس جا 35 اهلڪار به حياتيون وڃائي ويٺا. يهودي فوج غزا ۾ گهرن، اسپتالن، عبادتگاهن، اسڪولن ۽ پناهگير ڪئمپن تي بمباري ڪري تباه ڪري غزا کي کنڊر ۾ تبديل ڪري ڇڏيو  آهي