حڪومت طرفان آئيني ترميمن جو پيڪيج پارليامينٽ ۾ اڄ پيش ڪرڻ امڪان آهي.

حڪومت طرفان آئيني ترميمن جو پيڪيج پارليامينٽ ۾ اڄ پيش ڪرڻ امڪان آهي، جڏهن ته سينيٽ ۾ حڪومت کي ترميمون منظور ڪرائڻ ۾ ڏکيائيون آڏو آهن. قومي اسيمبلي جي اجلاس ۾ آئيني ترميمن جو تجويز ڪيل پيڪيج اڄ بدران آچر ڏينهن پيش ڪيو ويندو. ذريعن موجب ن ليگ ميمبر حمزا شهباز فرانس ۽ جي يو آءِ ميمبر مولانا عبدالغفور حيدري چين کان واپس اچي ويندا. اعليٰ حڪومتي ذريعن دعويٰ ڪئي ته آئيني ترميمون اڄ پارليامينٽ ۾ پيش  ڪيون وينديون. ذريعن موجب قومي اسيمبلي ۽ سينيٽ جا اجلاس اڄ گهرائڻ جو امڪان آهي. حڪومت کي آئيني ترميمن جي منظوريءَ لاءِ سينيٽ ۾ به ڏکيائيون آهن. حڪومتي ذريعن موجب سيينٽ ۾ آئيني ترميم لاءِ حڪومت کي 64 ميمبرن جي حمايت گهربل آهي، جنهن لاءِ جي يو آءِ جا 6 ووٽ ملڻ جي صورت ۾ اهو انگ پورو ٿيندو. ذريعن موجب جي يو آءِ حمايت ڪري ته به هڪ ووٽ کــُـٽندو، ڇاڪاڻ ته سينيٽ چيئرمين يوسف رضا گيلاني آئيني ترميم ۾ ووٽ نٿو وجهي   سگهي ۽ چيئرمين جي موجودگيءَ ۾ ڪو ٻيو چيئرمين جي ڪرسيءَ تي نه ويهي سگهندو…….