- Advertisement -
خيبرپختونخواهه جي گورنر فيصل ڪريم ڪنڊي چيو آهي ته ڪي پي جو گورنر هائوس ڪنهن به سازش جو حصو نه بڻجندو.
لاهور ۾ ميڊيا سان ڳالهائيندي ڪي پي جي گورنر فيصل ڪريم ڪنڊي چيو ته هو وفاق ۽ خيبرپختونخوا وچ ۾ پل جو ڪردار ادا ڪندو.
سندس چوڻ هو ته خيبرپختونخوا جو گورنر هائوس ڪنهن سازش جو حصو نه ٿيندو، ملڪ ۽ صوبي جي ترقي لاءِ گڏجي ڪم ڪيو ويندو.
ڪي پي جي گورنر جو وڌيڪ چوڻ هو ته نااهلي ۽ نالائقي کي بيان بازي سان لڪائي نٿو سگهجي.
هن چيو ته 9 مئي جي ماسٽر مائينڊ کي سڀ کان پهريان سزا ڏني وڃي، 9 مئي جهڙو واقعو ڪو دشمن به نٿو ڪري سگهي.
فيصل ڪريم ڪنڊي چيو ته پي ٽي آءِ وارا غلطيون ڪرڻ کان پوءِ صفايون پيش ڪري رهيا آهن، پي ٽي آءِ ٽوئٽ جي ذميواري به نٿي ڪڻي ۽ ڊليٽ به نٿي ڪري.
هن چيو ته ڪير ڪنهن کي ڪنهن به هنڌ وڃڻ کان روڪي نٿو سگهي، علي امين گنڊاپور کي ڪا مجبوري آهي ته هو وٽس وڃڻ لاءِ تيار آهي.
ڪي پي جي گورنر چيو ته هو صوبي جي امن، ترقي ۽ خوشحالي لاءِ هرڪنهن ڏانهن وڃڻ لاءِ تيار آهي، ورڪنگ ريليشن بهتر بڻائي صوبي جا حق حاصل ڪري سگهجن ٿا.
فيصل ڪريم ڪنڊي چيو ته ڪي پي کي پرامن ۽ ترقي يافتا صوبو بڻائينداسين.
ڪي پي جي گورنر جو چوڻ هو ته وزيراعظم سان ملاقات ۾ صوبي جي مسئلن تي ڳالهيون ٿيون.- Advertisement -
