سنڌ سرڪار ٽرانسپورٽ کاتي جون زمينون خالي ڪرائڻ جي تياري شروع

سنڌ سرڪار ٽرانسپورٽ کاتي جون زمينون خالي ڪرائڻ جي تياري شروع ڪندي چيف سيڪريٽري، آءِ جي پوليس ۽ اينٽي انڪروچمينٽ کان مدد حاصل ڪرڻ جو فيصلو ڪري ڇڏيو. سنڌ جي سينيئر وزير شرجيل ميمڻ جي صدارت هيٺ سنڌ ماس ٽرانزٽ اٿارٽي بورڊ جو 13هون اجلاس ٿيو. سينيئر صوبائي وزير جو چوڻ آهي ته بورڊ جي ٻارهين اجلاس ۾ ٽرانسپورٽ کاتي جي زمين خالي ڪرائڻ جو فيصلو ٿيو هو، ٽرانسپورٽ کاتي جي زمين تان غيرقانوني قبضا جلد کان جلد ختم ڪرڻ کي يقيني بڻايو وڃي. شرجيل انعام ميمڻ چيو ته جنهن زمين تي سرڪاري ادارن جون آفيسون ٺاهيون ويون آهن، انهن کي نوٽيس جاري ڪيا وڃن، نوٽيس تي عمل کي يقيني بڻائڻ لاءِ لاڳاپيل ادارن سان ڳالهيون ڪيون وڃن. بورڊ اجلاس ۾ ايس سنڌ ماس ٽرانزٽ اٿارٽي بورڊ جي ٻارهين اجلاس جي منٽس جي منظوري ڏني وئي. سنڌ ماس ٽرانزٽ اٿارٽي جي سيڪريٽري ايس ايم ٽي اي بورڊ جي مقرري جي منظوري ڏني وئي. بورڊ عبدالستار ايڌي ۽  اورينج لائن بي آر ٽي جي ٻن پراجيڪٽ مئنيجمينٽ يونٽ جي ملازمن جي ڪانٽريڪٽ ۾ واڌ جي به منظوري ڏني. پلاننگ اينڊ ڊولپمينٽ جي نمائندي طرفان پراجيڪٽ مينجمينٽ يونٽ جي ڊپٽي ڊائريڪٽر پرويز جمالي جي مستقل مقرري جي سفارش ڪئي وئي. اجلاس ۾ ايس ايم ٽي اي بجيٽ 22-2021 ۽ 23-2022 جي به منظوري ڏني وئي. سينيئر صوبائي وزير شرجيل انعام ميمڻ جو چوڻ آهي ته پيپلز بس سروس شروع ڪرڻ جو مقصد عوام کي مهانگائي جي دور ۾ رليف ڏيڻ آهي، سنڌ سرڪار ٻين شهرن ۾ به بسون هلائڻ جو ارادو رکي ٿي، بس هلائڻ جا خواهشمند اسٽيڪ هولڊرز پيپلز بس سروس ۾ سيڙپڪاري ڪن