آسٽريليا آءِ سي سي چيمپئنز ٽرافي 2025ع لاءِ شروعاتي 15 رڪني اسڪواڊ جو اعلان ڪري ڇڏيو

آسٽريليا آءِ سي سي چيمپئنز ٽرافي 2025ع لاءِ شروعاتي 15 رڪني اسڪواڊ جو اعلان ڪري ڇڏيو آهي. 19فيبروري کان پاڪستان ۽ گڏيل عرب امارتن ۾ شروع ٿيندڙ چيمپئنز ٽرافي ۾ آسٽريلوي ڪرڪيٽ ٽيم جي قيادت پيٽ ڪمنز ڪندو. تجربيڪار بيٽر ٽريوس هيڊ ۽ آل رائونڊر مارڪس سٽوئنس جي ون ڊي ٽيم ۾ واپسي ٿي آهي. آءِ سي سي چيمپئنز ٽرافي لاءِ اسٽريلوي اسڪواد ۾ ڪپتان پيٽ ڪمنز، اليڪس ڪيري، نيٿن ايلس، ايرون هارڊي، جوش هيزل ووڊ، ٽريوس هيڊ، جوش انگلس، مارونس لبوشن ۽ مچل مارش شامل آهن. گلين ميڪسويل، ميٿيو شارٽ، سٽيو سمٿ، مارڪس سٽوئنس ۽ ايڊم زمپا کي به 15 رڪني اسڪواڊ جو حصو بنايو ويو. 15رڪني اسڪواڊ آءِ سي سي چيمپئنز ٽرافي کان اڳ سريلنڪا خلاف ون ڊي سيريز به کيڏندو.