صوبائي گھرو وزير ضياءُ الحسن لنجار ڪشمور پوليس کي ڀيٽا پيش

سنڌ جي گھرو وزير ضياءَ الحسن لنجار ڪشمور ۾ ملگزار بهلڪاڻي گينگ خلاف ڪامياب آپريشن تي ڪشمور پوليس کي خراج تحسين پيش ڪيو آهي. صوبائي گھرو وزير ضياءَ الحسن لنجار ايس ايس پي ڪشمور محمد مراد گھانگھرو ۽ سندس ٽيم کي مبارڪباد ڏني آهي. سندس چوڻ آهي ته امن دشمن عنصرن خلاف پوليس جون ڪارروايون فخر جوڳيون آهن، عوام جي جان ۽ مال جي تحفظ لاءِ سنڌ پوليس جون قربانيون ناقابل فراموش آهن. گھرو وزير چيو ته سنڌ حڪومت امن امان قائم ڪرڻ لاءِ پوليس سان ڪلهو ڪلهي ۾ ملائي بيٺل آهي، ڏوهارين خلاف آپريشن بنا ڪنهن فرق جي جاري رهندو. سنڌ جي گهرو وزير ضياءُ الحسن لنجار مارجي ويل ڌاڙيل خلاف ڪامياب ايڪشن کي کي وڏي ڪاميابي قرار ڏنو.