غزه ۾ اسرائيل جا ظلم جاري آهن، خان يونس ۽ النصيرات پناهگير ڪيمپن تي حملن ۾ وڌيڪ 5 فلسطيني شهيد ٿي ويا.
عرب ميڊيا جو چو آهي ته اسرائيلي حملن ۾ شهيدن جو انگ 34 هزار 356 تائين پهچي ويو جڏهن ته 77 هزار 368 فلسطيني زخمي ٿي چڪا آهن.
ٻئي پاسي غزه جي ٽن اجتماعي قبرن مان هن وقت تائين مجموعي طور تي 392 شهيدن جا لاش هٿ آيا آهن جن مان هڪ سئو کان وڌيڪ جي سڃاڻپ ناهي ٿي سگھي.
امريڪا جي يونيورسٽين ۾ اسرائيل خلاف مظاهرا جاري آهن، ڪولمبيا، نيويارڪ سميت مختلف شهرن جي يونيورسٽين ۾ شاگرد سراپا احتجاج آهن.
پوليس 550 کان وڌيڪ استادن ۽ شاگردن کي گرفتار ڪري ورتو.
امريڪي پرڏيهي وزير انٽوني بلنڪن جو چوڻ آهي ته امريڪا ۾ شاگردن جا جاري مظاهرا جمهوريت جو حصو آهن، امريڪا مظاهرن کي عوامي حق سمجهندي ان جو دفاع ڪندو آهي……
