سپريم ڪورٽ جي جج جسٽس منصور علي خان چيو آهي ته هر چيف جسٽس ججن کي پنهنجي حساب سان هلائيندو آهي، فردن مان نڪري نظام طرف اچڻو پوندو.
لاهور ۾ تقريب کي خطاب ڪندي جسٽس منصور علي شاهه چيو ته هو عدليه جي تاريخ مان گهڻو خوش ناهي، دنيا ۾ پاڪستاني عدليه بابت ڊيٽا ڳڻتي جوڳي آهي، ڪجهه اهڙو ٿي ويندو آهي جنهن سان عدليه تي تنقيد ڪئي ويندي آهي.
هن چيو ته پاڪستان ۾ 24 لک ڪيس رولڙي جو شڪار آهن، التوا هيٺ ڪيس اڪلائڻ لاءِ ٽيڪنالاجي کان مدد حاصل ڪرڻ ضروري آهي.
سندس چوڻ هو ته پنهنجي نظام ۾ آءِ ٽي نه آندي ويندي ته 24 لک ڪيسن اڪلائڻ مشڪل هوندو، سپريم ڪائونسل کي وڌيڪ بااختيار ادارو بڻائڻو پوندو ۽ عدليه لاءِ ڊيٽا ليسس روم قائم ڪرڻا پوندا.
جسٽس منصور علي شاهه چيو ته پاڪستان ۾ 4 هزار جج آهن جنهن مان 3 هزار ڪم ڪري رهيا آهن.
هن چيو ته ملڪ ۾ ڳالهه ڳالهه تي هڙتال ڪئي ويندي آهي، ڪرڪيٽ جي ميچ ۾ شڪست ملي ته هڙتال ٿي ويندي آهي، ماڻهو پنهنجا ڍور کپائي عدالت ايندا آهن، هڙتال ۾ ڪنهن ماڻهو کي عدالت اچڻ لاءِ ڪهڙي قيمت ادا ڪرڻي پوندي آهي تنهن جو اندازو ڪيو وڃي.
سندس چوڻ هو ته پاڪستان ۾ ڪمرشل ڪوريڊور قائم ٿيندو ته معاشي مسئلا حل ڪرڻ ۾ مدد ملندي