حيدرآباد ۾ ستن ڏينهن واري پوليو مهم جي شروعات ٿي وئي

حيدرآباد ۾ ستن ڏينهن واري پوليو مهم جي شروعات ٿي وئي آهي. گورنمنٽ پريٽ آباد اسپتال ۾ ضلعي هيلٿ آفيسر ڊاڪٽر لالا جعفر ٻارڙن کي پوليو کان بچاءَ جا ڦڙا پياري مهم جو افتتاح ڪيو. ڊي ايچ او ڊاڪٽر لالا جعفر جو چوڻ آهي ته   پنجن ورهين تائين جي 3 لک 83 هزار 610 ٻارن کي پوليو کان بچاءَ جا ڦڙا پيارڻ جو  حدف آهي. سندس چوڻ هو ته مهم دوران هڪ هزار 565 موبائل ٽيمون حصو وٺي رهيون آهن، ستن ڏينهن واري مهم ۾ 150 فڪسڊ ۽ 64 ٽرانزٽ ٽيمون به شامل آهن. ڊي ايچ او ڊاڪٽر لالا جعفر چيو ته  مهم 8 آڪٽوبر تائين جاري رهندي، سڀئي والدين پنهنجي ٻارن کي پوليو کان بچاءَ جا ڦڙا پياري کين سڄي عمر جي معذوري کان بچائن.